Notice Board - Last Update on 21/06/2017

Click to View 2014 Notice Board Page
Click to View 2015 - 16 Notice Board

 
Projects
Your Property / Site Status
City Planning
Allotment of Sites
Catalog & Indexing
Notice Board
Meeting Proceedings
Notifications
Tender
Auctions
ACTS
Frequently Asked Questions
   
   
   
 
 
Provisional Seniority List of  RT Nagar applicants       Cuttoff List  -

ಆರ್.ಟಿ.ನಗರ ನಿವೇಶನ ಹಂಚಿಕೆ ಪ್ರಕಟಣೆ: 1/2011-12 ದಿನಾಂಕ 19.09.2011
ಮೈಸೂರು ನಗರಾಭಿವೃದ್ದಿ ಪ್ರಾಧಿಕಾರದಿಂದ 1991 ರಿಂದ 2011 ರವರೆಗೆ ವಿವಿಧ ಬಡಾವಣೆಗಳಿಗೆ ಅರ್ಜಿಯನ್ನು ಸ್ವೀಕರಿಸಿರುವ ಅಧಿಸೂಚನೆಯ ವಿವರ

ಸಂಖ್ಯೆ ಮೈನಪ್ರಾ/ಆಆಸಶಾ/2017-18 20.06.2017

ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರವು ಆರ್.ಟಿ.ನಗರ ನಿವೇಶನ ಹಂಚಿಕೆ ಪ್ರಕಟಣೆ-1/2011-12, ದಿ:19.09.2011ರ ರೀತ್ಯಾ ಹೊರಡಿಸಿದ್ದ ಪ್ರಕಟಣೆಗೆ ಅನುಗುಣವಾಗಿ ಆರ್.ಟಿ.ನಗರ ಬಡಾವಣೆಯಲ್ಲಿ ನಿವೇಶನ ಅಪೇಕ್ಷಿಸಿ ಅರ್ಜಿ ಸಲ್ಲಿಸಿರುವ ಅರ್ಜಿದಾರರ ಜ್ಯೇಷ್ಠತಾ ಪಟ್ಟಿಯನ್ನು ಈ ಹಿಂದಿನ ಪ್ರಯತ್ನಗಳ ಸಂಖ್ಯೆಗಳನ್ನು ಆಧರಿಸಿ ದಿನಾಂಕ 20.06.2017ರಂದು ಪ್ರಕಟಿಸಲಾಗಿದೆ. ಇದನ್ನು ಪ್ರಾಧಿಕಾರದ ವೆಬ್‍ಸೈಟ್ (www.mudamysore.gov.in) ಮತ್ತು ಪ್ರಾಧಿಕಾರದ ಪ್ರಕಟಣಾ ಫಲಕದಲ್ಲಿಯೂ ಸಹ ಪ್ರಕಟಿಸಲಾಗಿದೆ.

ಕರ್ನಾಟಕ ನಗರಾಭಿವೃದ್ದಿ ಪ್ರಾಧಿಕಾರಗಳ (ನಿವೇಶನ ಹಂಚಿಕೆ) ನಿಯಮಗಳನ್ವಯ ಪ್ರಯತ್ನಗಳ ಜೇಷ್ಠತೆ ಹಾಗೂ ವಸತಿ/ನಿವೇಶನ ರಹಿತರನ್ನು ಪರಿಗಣಿಸಿ ತಾತ್ಕಾಲಿಕ ಜ್ಯೇಷ್ಠತಾ ಪಟ್ಟಿಯನ್ನು ಸಿದ್ದಪಡಿಸಿ, ಅರ್ಜಿದಾರರ ಹೆಸರು, ಜನ್ಮ ದಿನಾಂಕ, ವಿಳಾಸ, ಅರ್ಜಿ ಸಂಖ್ಯೆ ಮತ್ತು ಪ್ರಯತ್ನಗಳ ಸಂಖ್ಯೆಯೊಂದಿಗೆ ವೆಬ್‍ಸೈಟ್‍ನಲ್ಲಿ ಪ್ರಕಟಿಸಲಾಗಿದೆ.

ಪ್ರಯತ್ನಗಳ ಜೇಷ್ಠತೆ, ಜನ್ಮ ದಿನಾಂಕ, ಪ್ರವರ್ಗ ವiತ್ತು ಮೀಸಲಾತಿ ಬಗ್ಗೆ ಆಕ್ಷೇಪಣೆಗಳಿದ್ದಲ್ಲಿ ಅಗತ್ಯ ದಾಖಲಾತಿಗಳೊಂದಿಗೆ ಪ್ರಕಟಣಾ ದಿನಾಂಕದಿಂದ 10 ದಿನಗಳೊಳಗಾಗಿ (30.06.2017ರೊಳಗೆ) ಕಾರ್ಯದರ್ಶಿಗಳು, ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರ, ಮೈಸೂರು ಇವರಿಗೆ ಬೆಳಗ್ಗೆ 11.00 ರಿಂದ 2.00 ಗಂಟೆವರೆಗೆ ಅಗತ್ಯ ದಾಖಲಾತಿಗಳೊಂದಿಗೆ ಲಿಖಿತವಾಗಿ ಹಾಗೂ ಖುದ್ದು ಹಾಜರಾಗಿ ಸಲ್ಲಿಸಲು ತಿಳಿಸಿದೆ.

ಒಂದು ವೇಳೆ ಅರ್ಜಿದಾರರು ಸಲ್ಲಿಸಿರುವ ಪ್ರಮಾಣ ಪತ್ರ ಮತ್ತು ಇತರೆ ದಾಖಲೆಗಳು ಸುಳ್ಳು ಮತ್ತು ತಪ್ಪು ಮಾಹಿತಿಗಳಿಂದ ಕೂಡಿದೆ ಎಂಬುದು ಕಂಡುಬಂದಲ್ಲಿ ಅಂತಹ ಅರ್ಜಿದಾರರ ಅರ್ಜಿಗಳನ್ನು ಹಂಚಿಕೆಯಿಂದ ಕೈಬಿಡಲಾಗುವುದು. ತಾತ್ಕಾಲಿಕ ಜ್ಯೇಷ್ಠತಾ ಪಟ್ಟಿಯಲ್ಲಿರುವ ಅರ್ಜಿದಾರರು ಈಗಾಗಲೇ ಕರ್ನಾಟಕ ರಾಜ್ಯದಲ್ಲಿರುವ ಯಾವುದೇ ಪ್ರಾಧಿಕಾರಗಳಿಂದ, ಕರ್ನಾಟಕ ಗೃಹ ಮಂಡಳಿ ಅಥವಾ ಯಾವುದೇ ಸರ್ಕಾರದ ಏಜೆನ್ಸಿ ಅಥವಾ ಗೃಹ ನಿರ್ಮಾಣ ಸಹಕಾರ ಸಂಘಗಳಿಂದ ಅಭಿವೃದ್ದಿಪಡಿಸಿದ ಖಾಸಗಿ ಬಡಾವಣೆಗಳಿಂದಾಗಲೀ ನಿವೇಶನ ಅಥವಾ ಮನೆಯನ್ನು ಪಡೆದಿದ್ದಲ್ಲಿ ಅಂಥವರಿಗೆ ನಿವೇಶನ ಹಂಚಿಕೆ ಮಾಡಲು ಅವಕಾಶವಿರುವುದಿಲ್ಲ. ಈ ರೀತಿ ನಿವೇಶನ ಅಥವಾ ಮನೆ ಪಡೆದು ಈ ಪ್ರಾಧಿಕಾರಕ್ಕೆ ಅರ್ಜಿ ಸಲ್ಲಿಸಿದ್ದಲ್ಲಿ ಅಂತಹ ಅರ್ಜಿಯನ್ನು ವಾಪಸ್ಸು ಪಡೆಯಲು ಸೂಚಿಸಿದೆ.

ಒಂದು ವೇಳೆ ಮೇಲ್ಕಂಡಂತೆ ನಿವೇಶನ ಅಥವಾ ಮನೆಯನ್ನು ಪಡೆದಿದ್ದಾಗ್ಯೂ ಈ ಪ್ರಾಧಿಕಾರದಿಂದ ಮತ್ತೊಮ್ಮೆ ನಿವೇಶನ ಹಂಚಿಕೆಯಾಗಿ ಮುಂದೆ ಪ್ರಾಧಿಕಾರದ ಗಮನಕ್ಕೆ ಬಂದಲ್ಲಿ ಅಂತಹ ಹಂಚಿಕೆದಾರರ ನಿವೇಶನವನ್ನು ಪ್ರಾಧಿಕಾರಕ್ಕೆ ಮುಟ್ಟುಗೋಲು ಹಾಕಿಕೊಳ್ಳುವುದಲ್ಲದೇ ಅಂತಹವರ ವಿರುದ್ದ ಕಾನೂನು ರೀತ್ಯಾ ಕ್ರಮಕೈಗೊಳ್ಳಲಾಗುವುದು.

(ಡಾ|| ಎಂ.ಮಹೇಶ್)
ಆಯುಕ್ತರು
ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರ
ಮೈಸೂರು

 
 
 
 
Demand Survey Notification - 27/4/2017 - Kannada | English   
For Citizens who dream to own a house in Mysuru City, MUDA is planning to construct houses (flats) under "Affordable Housing Scheme" on the basis of demand. 
Click to Download Application 

No.MUDA/E.A.N/01/2017-18 - Date 27/04/2017 - English    Golden Chance for Site Buyers 

 

ಸಂಖ್ಯೆ: ಅಆಸಶಾ/31/2017-18
ದಿನಾಂಕ: 05.06.2017 ರಂದು ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾದ ಶ್ರೀ ಡಿ.ಧುೃವಕುಮಾರ್ ರವರು ಶ್ರೀ ನಾಲ್ವಡಿ ಕೃಷ್ಣರಾಜ ಒಡೆಯರ್ ರವರ 133ನೇ ಜಯಂತಿ ಕಾರ್ಯಕ್ರಮದ ಪ್ರಯುಕ್ತ ಪ್ರಾಧಿಕಾರದ ಆವರಣದಲ್ಲಿರುವ ಶ್ರೀ ನಾಲ್ವಡಿ ಕೃಷ್ಣರಾಜ ಒಡೆಯರ್ ರವರ ಪುತ್ಥಳಿಗೆ ಮಾಲಾರ್ಪಣೆ ಮಾಡಿದರು ಹಾಗೂ ವಿಶ್ವ ಪರಿಸರ ದಿನಾಚರಣೆ ಅಂಗವಾಗಿ ಪ್ರಾಧಿಕಾರದ ಆವರಣದಲ್ಲಿ ಸಸಿ ನೆಡುವ ಮೂಲಕ ವಿಶ್ವ ಪರಿಸರ ದಿನಾಚರಣೆಯನ್ನು ಆಚರಿಸಿದರು.

ಈ ಸಂದರ್ಭದಲ್ಲಿ ಪ್ರಾಧಿಕಾರದ ಆಯುಕ್ತರಾದ ಡಾ|| ಎಂ.ಮಹೇಶ್ ರವರು, ಅಧೀಕ್ಷಕ ಅಭಿಯಂತರರಾದ ಶ್ರೀ ಶಿವಕುಮಾರ್ ರವರು, ನಗರ ಯೋಜನಾ ಸದಸ್ಯರಾದ ಶ್ರೀ ಗಿರೀಶ್ ರವರು, ಕಾರ್ಯದರ್ಶಿ ಶ್ರೀಮತಿ ಎಂ.ಕೆ.ಸವಿತಾ ರವರು, ವಿಶೇಷ ಭೂಸ್ವಾಧೀನಾಧಿಕಾರಿ ಶ್ರೀಮತಿ ಚಂದ್ರಮ್ಮ ರವರು, ಮುಖ್ಯ ಲೆಕ್ಕಾಧಿಕಾರಿ ಶ್ರೀ ಮುತ್ತ ರವರು, ಪ್ರಾಧಿಕಾರದ ಸದಸ್ಯರಾದ ಶ್ರೀ ಸಂದೇಶ್ ಸ್ವಾಮಿ ರವರು ಹಾಗೂ ಎಲ್ಲಾ ಅಧಿಕಾರಿ ವರ್ಗ ಮತ್ತು ಎಲ್ಲಾ ಸಿಬ್ಬಂದಿ ವರ್ಗದವರು ಹಾಜರಿದ್ದರು.
(ಡಿ.ಧುೃವಕುಮಾರ್)
ಅಧ್ಯಕ್ಷರು

ಅಆಸಶಾ/282017-18 ದಿನಾಂಕ: 23.05.2017 ರಂದು ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾದ ಶ್ರೀ ಡಿ.ಧುೃವಕುಮಾರ್ ರವರು ಹಾಗೂ ಚಾಮುಂಡೇಶ್ವರಿ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಶ್ರೀ ಜಿ.ಟಿ.ದೇವೇಗೌಡ ರವರು ಮೈಸೂರು ತಾಲ್ಲೂಕು, ಜಯಪುರ ಹೋಬಳಿ, ಕೆ.ಸಾಲುಂಡಿ ಗ್ರಾಮದ ಒಳಚರಂಡಿ ಹಾಗೂ ಸಪ್ಟಿಂಕ್ ಟ್ಯಾಂಕ್ ನಿರ್ಮಾಣ ಕಾಮಗಾರಿಯನ್ನು (ಅಂದಾಜು ಮೊತ್ತ ರೂ. 100.00/- ಲಕ್ಷಗಳಾಗಿರುತ್ತದೆ) ಹಾಗೂ ಮೈಸೂರು ತಾಲ್ಲೂಕು, ಜಯಪುರ ಹೋಬಳಿ, ಬಡಗಲಹುಂಡಿ ಗ್ರಾಮದ ಒಳಚರಂಡಿ ಹಾಗೂ ಸಪ್ಟಿಂಕ್ ಟ್ಯಾಂಕ್ ನಿರ್ಮಾಣ ಕಾಮಗಾರಿಯ (ಅಂದಾಜು ಮೊತ್ತ ರೂ. 50.00/- ಲಕ್ಷಗಳಾಗಿರುತ್ತದೆ) ಗುದ್ದಲಿ ಪೂಜೆಯನ್ನು ನೆರವೇರಿಸಿದರು.

ಈ ಸಂದರ್ಭದಲ್ಲಿ ಪ್ರಾಧಿಕಾರದ ಕಾರ್ಯಪಾಲಕ ಅಭಿಯಂತರರಾದ ಶ್ರೀ ಬಿ.ಎನ್.ಪ್ರಭಾಕರ್, ಪ್ರಾಧಿಕಾರದ ಸಹಾಯಕ ಕಾರ್ಯಪಾಲಕ ಅಭಿಯಂತರರಾದ ಶ್ರೀ ಟಿ.ಕೆ.ರವಿ ಹಾಗೂ ಸಹಾಯಕ ಅಭಿಯಂತರರುಗಳು ಹಾಗೂ ಜಿಲ್ಲಾ ಪಂಚಾಯತ್ ಸದಸ್ಯರಾದ ಬೀರಿಹುಂಡಿ ಬಸವಣ್ಣ, ತಾಲ್ಲೂಕು ಪಂಚಾಯಿತಿ ಉಪಾಧ್ಯಕ್ಷರಾದ ಶ್ರೀ ಮಂಜುನಾಥ್, ತಾಲ್ಲೂಕು ಪಂಚಾಯಿತಿ ಸದಸ್ಯರಾದ ಶ್ರೀಮತಿ ಗೌರಮ್ಮ ಸುಗ್ರೀವ, ಗ್ರಾಮ ಪಂಚಾಯಿತಿ ಅಧ್ಯಕ್ಷರಾದ ಮಾಲೇಗೌಡ, ಯುವ ಮುಖಂಡರಾದ ಶ್ರೀ ಹರೀಶ್ ಗೌಡ, ನಿಕಟಪೂರ್ವ ಸದಸ್ಯರಾದ ಭಾಸ್ಕರ್ ಎಲ್ ಗೌಡ, ಮುಖಂಡರಾದ ಗೋಪಿ, ಗುತ್ತಿಗೆದಾರರಾದ ಶ್ರೀ ಎಲ್.ರಂಗರೆಡ್ಡಿ ಹಾಗೂ ಸ್ಥಳೀಯ ಪ್ರತಿನಿಧಿಗಳು ಹಾಜರಿದ್ದರು.

(ಡಿ.ಧುೃವಕುಮಾರ್)
ಅಧ್ಯಕ್ಷರು

 

ಸಂಖ್ಯೆ: ಆಆಸಶಾ/ಪ.ಪ್ರ/2017-18 22.05.2017

ಲಿಂಗಾಂಬುದಿ, ಯಡಹಳ್ಳಿ, ಚೌಡಹಳ್ಳಿ, ಹಾಲಾಳು, ಕೇರಗಳ್ಳಿ, ಕುರುಬಾರಹಳ್ಳಿ, ಮೈಸೂರು ಕಸಬಾ, ಸರ್ಕಾರಿ ಉತ್ತನಹಳ್ಳಿ, ಬಂಡಿಪಾಳ್ಯ, ಲಲಿತಾದ್ರಿಪುರ, ಚಿಕ್ಕಳ್ಳಿ ಮತ್ತು ಯಾಂದಹಳ್ಳಿ ಗ್ರಾಮಗಳಲ್ಲಿ ಭಾಗಶಃ ಜಮೀನುಗಳನ್ನು ಬಡಾವಣೆ ರಚನೆ ಉದ್ದೇಶಕ್ಕಾಗಿ ಪ್ರಾಧಿಕಾರವು ಭೂಸ್ವಾಧೀನಪಡಿಸಿಕೊಳ್ಳುವ ದಿಸೆಯಲ್ಲಿ ಈ ಹಿಂದೆ ಅಧಿಸೂಚನೆ ಹೊರಡಿಸಲಾಗಿತ್ತು. ಈತನ್ಮಧ್ಯೆ ಕೆಲವು ಭೂ ಮಾಲೀಕರು ಮಾನ್ಯ ನ್ಯಾಯಾಲಯದಿಂದ ಅವರಿಗೆ ಸಂಬಂಧಪಟ್ಟ ಜಮೀನಿಗೆ ಹೊರಡಿಸಿದಂತಹ ಅಧಿಸೂಚನೆಗೆ ರದ್ದತಿ ಆದೇಶ ಪಡೆದಿರುತ್ತಾರೆ. ಅದಲ್ಲದೇ ಸರ್ಕಾರವು ಕೆಲವು ಪ್ರಕರಣಗಳಲ್ಲಿ ಜಮೀನುಗಳನ್ನು ಭೂಸ್ವಾಧೀನದಿಂದ ಕೈಬಿಟ್ಟು ಆದೇಶ ಮಾಡಿರುತ್ತದೆ. ಈ ಹಿನ್ನೆಲೆಯಲ್ಲಿ ಉದ್ದೇಶಿತ ಯೋಜನೆಗಳನ್ನು ಅನುಷ್ಠಾನಗೊಳಿಸಲು ಸಾಧ್ಯವಾಗಿರುವುದಿಲ್ಲ.

ಸರ್ಕಾರದ ಇತ್ತೀಚಿನ ನಿಯಮಗಳಂತೆ ಮೇಲ್ಕಂಡ ಗ್ರಾಮಗಳ ಜಮೀನುಗಳನ್ನು 50:50ರ ಅನುಪಾತದಲ್ಲಿ ಅಭಿವೃದ್ದಿಪಡಿಸಿ ಹಂಚಿಕೆ ಮಾಡುವ ಸಂಬಂಧ ಸಮಾಲೋಚಿಸಲು ಮೊದಲನೇ ಹಂತವಾಗಿ ಮೇಲ್ಕಂಡ ಗ್ರಾಮಗಳ ಜಮೀನುಗಳಲ್ಲಿ ಮಾಲೀಕತ್ವ ಹೊಂದಿರುವ ಸಂಬಂಧಪಟ್ಟ ಗೃಹ ನಿರ್ಮಾಣ ಸಹಕಾರ ಸಂಘದವರೊಂದಿಗೆ ದಿನಾಂಕ 24.05.2017ರಂದು ಸಂಜೆ 4.00 ಗಂಟೆಗೆ ಪ್ರಾಧಿಕಾರದ ಸಭಾಂಗಣದಲ್ಲಿ ಮಾನ್ಯ ಅಧ್ಯಕ್ಷರು, ಮೈ.ನ.ಪ್ರಾ, ಇವರ ಅಧ್ಯಕ್ಷತೆಯಲ್ಲಿ ಸಭೆಯನ್ನು ಏರ್ಪಡಿಸಲಾಗಿದೆ. ಸಂಬಂಧಪಟ್ಟ ಗೃಹ ನಿರ್ಮಾಣ ಸಹಕಾರ ಸಂಘದ ಅಧ್ಯಕ್ಷರು/ಕಾರ್ಯದರ್ಶಿಗಳು ಈ ಸಭೆಗೆ ಹಾಜರಾಗುವಂತೆ ಈ ಪ್ರಕಟಣೆ ಮೂಲಕ ತಿಳಿಯಪಡಿಸಿದೆ.

ಆಯುಕ್ತರು
ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರ
ಮೈಸೂರು

 

ಸಂಖ್ಯೆ: ಅಆಸಶಾ/26/2017-18
ದಿನಾಂಕ: 08.05.2017 ರಂದು ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾದ ಶ್ರೀ ಡಿ.ಧುೃವಕುಮಾರ್ ರವರು ಹಾಗೂ ಚಾಮರಾಜ ಕ್ಷೇತ್ರದ ಶಾಸಕರಾದ ಶ್ರೀ ವಾಸು ರವರು ಮೈಸೂರು ನಗರದ ಮೇಟಗಳ್ಳಿ ಬಡಾವಣೆಯ ಪಕ್ಕದ ಸ್ಮಶಾನ ಅಭಿವೃದ್ಧಿ ಕಾಮಗಾರಿಗೆ ಗುದ್ದಲಿ ಪೂಜೆಯನ್ನು ನೆರವೇರಿಸಿದರು. ಸದರಿ ಸ್ಮಶಾನಕ್ಕೆ 9.0ಘಿ5.50 ಮೀಟರ್ ಶೆಲ್ಟರ್ ಹಾಗೂ 250.00 ಮೀ ಉದ್ದದ ಕಾಂಪೌಂಡ್ ನಿರ್ಮಾಣದ ಕಾಮಗಾರಿಯ ಅಂದಾಜು ಮೊತ್ತ ರೂ. 24.99/- ಲಕ್ಷಗಳಾಗಿರುತ್ತದೆ.

ಈ ಸಂದರ್ಭದಲ್ಲಿ ಪ್ರಾಧಿಕಾರದ ಕಾರ್ಯಪಾಲಕ ಅಭಿಯಂತರರಾದ ಶ್ರೀ ಆರ್.ಕೆ.ರಾಜು, ಪ್ರಾಧಿಕಾರದ ಸಹಾಯಕ ಕಾರ್ಯಪಾಲಕ ಅಭಿಯಂತರರಾದ ಶ್ರೀ ಲಕ್ಷ್ಮೀಶ್ ಹಾಗೂ ಸಹಾಯಕ ಅಭಿಯಂತರರುಗಳು ಹಾಗೂ ಮೈಸೂರು ಮಹಾನಗರ ಪಾಲಿಕೆ ಸದಸ್ಯರಾದ ಶ್ರೀ ರಮೇಶ್, ಮಾಜಿ ಸದಸ್ಯರಾದ ಶ್ರೀ ದೇವರಾಜ್, ಗುತ್ತಿಗೆದಾರರಾದ ಶ್ರೀ ಎನ್.ಉಮೇಶ್ ಹಾಗೂ ಸ್ಥಳೀಯ ಪ್ರತಿನಿಧಿಗಳು ಹಾಜರಿದ್ದರು.

(ಡಿ.ಧುೃವಕುಮಾರ್)
ಅಧ್ಯಕ್ಷರು
ಮೈ.ನ.ಪ್ರಾ., ಮೈಸೂರು.

ಸಂಖ್ಯೆ: ಅಆಸಶಾ/25/2017-18 ದಿನಾಂಕ: 05.05.2017

ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದ 2017-18ನೇ ಸಾಲಿನ ಆಯವ್ಯಯದ ವಿಶೇಷ ಸಭೆಯನ್ನು ದಿನಾಂಕ: 06.05.2017ರಂದು ಶನಿವಾರ ಪೂರ್ವಾಹ್ನ 11.00ಗಂಟೆಗೆ ಪ್ರಾಧಿಕಾರದ ಸಭಾಂಗಣದಲ್ಲಿ ಅಧ್ಯಕ್ಷರಾದ ಶ್ರೀ ಡಿ. ಧುೃವಕುಮಾರ್ ರವರ ಅಧ್ಯಕ್ಷತೆಯಲ್ಲಿ ಸಭೆಯನ್ನು ಏರ್ಪಡಿಸಲಾಗಿದೆ. ಈ ಸಭೆಗೆ ಎಲ್ಲಾ ಪತ್ರಿಕಾ ಸಂಪಾದಕರು, ವರದಿಗಾರರು, ಮಾದ್ಯಮ ಮಿತ್ರರು ಭಾಗವಹಿಸಬೇಕಾಗಿ ವಿನಂತಿಸಲಾಗಿದೆ.

ಡಿ.ಧುೃವಕುಮಾರ್
ಅಧ್ಯಕ್ಷರು
ಮೈ.ನ.ಪ್ರಾ ಮೈಸೂರು.

 

ಸಂಖ್ಯೆ: ಅಆಸಶಾ/24/2017-18 ದಿನಾಂಕ: 26.04.2017
ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದವತಿಯಿಂದ ನಿರ್ಮಿಸಲಾಗಿರುವ ರವೀಂದ್ರನಾಥ ಠಾಗೂರ್ ನಗರ (ಆರ್.ಟಿ.ನಗರ) ಬಡಾವಣೆಯಲ್ಲಿ ನಿವೇಶನಗಳನ್ನು ಸಾರ್ವಜನಿಕರಿಗೆ ಹಂಚಿಕೆ ಮಾಡದಂತೆ ಬೆಂಗಳೂರಿನ ಉಚ್ಛ ನ್ಯಾಯಾಲಯದಲ್ಲಿ ಭೂ ಮಾಲೀಕರಾದ ಶ್ರೀ ಪಚ್ಚೇಗೌಡ ರವರು ದಾವೆ ಹೂಡಿದ್ದು, ಉಚ್ಛ ನ್ಯಾಯಾಲಯವು ಈ ದಾವೆಯನ್ನು ದಿನಾಂಕ: 24.04.2017ರಂದು ಇತ್ಯರ್ಥಪಡಿಸಿ ನಿವೇಶನ ಹಂಚಿಕೆ ಮಾಡಲು ಹಸಿರು ನಿಶಾನೆ ತೋರಿಸಿರುತ್ತದೆ. ಈ ಬಡಾವಣೆಯಲ್ಲಿ ವಿವಿಧ ಅಳತೆಯ 1680 (ಭೂ ಮಾಲೀಕರಿಗೆ ನೀಡಬೇಕಾದ ನಿವೇಶನಗಳು ಸೇರಿದಂತೆ) ನಿವೇಶನಗಳನ್ನು ಶೀಘ್ರದಲ್ಲೇ ಸಾರ್ವಜನಿಕರಿಗೆ ಹಂಚಿಕೆ ಮಾಡಲು ಕ್ರಮ ವಹಿಸಲಾಗುತ್ತಿದೆ.

ಲಲಿತಾದ್ರಿಪುರ, 1ನೇ ಹಂತ, ಉತ್ತರ ಬಡಾವಣೆಯಲ್ಲೂ ವಿವಿಧ ಅಳತೆಯ 541 ನಿವೇಶನಗಳನ್ನು ಸಾರ್ವಜನಿಕರಿಗೆ ಹಂಚಿಕೆ ಮಾಡಲು ಪ್ರಕಟಣೆ ಹೊರಡಿಸುವ ಹಂತದಲ್ಲಿದೆ.

ಪ್ರಾಧಿಕಾರದಿಂದ ನಿವೇಶನಗಳನ್ನು ಸಾರ್ವಜನಿಕರಿಗೆ ಜೇಷ್ಠತೆ (ಸೀನಿಯಾರಿಟಿ) ಆಧಾರದ ಮೇಲೆ ನಿವೇಶನ ಹಂಚಿಕೆ ಮಾಡಲಿರುವುದರಿಂದ ಸಾರ್ವಜನಿಕರು ಮಧ್ಯವರ್ತಿಗಳ ಆಸೆ/ಆಮಿಷಗಳಿಗೆ ಒಳಗಾಗಿ ಯಾವುದೇ ರೀತಿಯ ಹಣವನ್ನು ನೀಡಿ ಮೋಸ ಹೋಗಬಾರದೆಂದೂ, ಇದಕ್ಕೆ ಪ್ರಾಧಿಕಾರವು ಜವಾಬ್ಧಾರಿಯಾಗುವುದಿಲ್ಲವೆಂದೂ ಈ ಮೂಲಕ ತಿಳಿಸಲಾಗಿದೆ.

ಡಿ.ಧುೃವಕುಮಾರ್)
ಅಧ್ಯಕ್ಷರು
ಮೈ.ನ.ಪ್ರಾ ಮೈಸೂರು.

ಸಂಖ್ಯೆ: ಅಆಸಶಾ/23 2017-18
ದಿನಾಂಕ:19.04.2017 ರಂದು ಮೈಸೂರು ತಾಲ್ಲೂಕು, ಹಿನಕಲ್ ಗ್ರಾಮದ ಆಶ್ರಯ ಬಡಾವಣೆಗೆ ಒಳಚರಂಡಿ ಕಲ್ಪಿಸುವ ಕಾಮಗಾರಿ ಅಂದಾಜು ವೆಚ್ಚ ರೂ. 25.00/- ಲಕ್ಷ ಹಾಗೂ ಮೈಸೂರು ನಗರ ಹೊರ ವರ್ತುಲ ರಸ್ತೆಯಿಂದ ಬ್ಯಾಂಕ್ ನೌಕರರ ಬಡಾವಣೆ ಮೂಲಕ ಹಾದುಹೋಗುವ ರಸ್ತೆ ಅಭಿವೃದ್ಧಿ ಕಾಮಗಾರಿ ಅಂದಾಜು ಮೊತ್ತ ರೂ.22.75/- ಲಕ್ಷ ಹಾಗೂ ದಟ್ಟಗಳ್ಳಿ 3ನೇ ಹಂತ ಬಡಾವಣೆಯ ನಿ.ಸಂ.1000 ರಿಂದ 1500ರವರೆಗೆ ಸುತ್ತ ಮುತ್ತಲಿನ ರಸ್ತೆ ಮರು ಡಾಂಬರೀಕರಣ ಕಾಮಗಾರಿ ಅಂದಾಜು ಮೊತ್ತ ರೂ.25.00/- ಲಕ್ಷ, ಗುದ್ದಲಿ ಪೂಜೆಯನ್ನು ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾದ ಶ್ರೀ ಡಿ.ಧುೃವಕುಮಾರ್‍ರವರು ಹಾಗೂ ಶ್ರೀ ಜಿ.ಟಿ.ದೇವೇಗೌಡರು, ಚಾಮುಂಡೇಶ್ವರಿ ಕ್ಷೇತ್ರದ ಶಾಸಕರು ನೇರವೇರಿಸಿದರು.
ಈ ಸಂದರ್ಭದಲ್ಲಿ ಜಿಲ್ಲಾ ಪಂಚಾಯತ್ ಸದಸ್ಯರಾದ ರಾಕೇಶ್ ಪಾಪಣ್ಣ ಹಾಗೂ ಇತರ ಸದಸ್ಯರು, ತಾಲ್ಲೂಕು ಪಂಚಾಯಿತಿ ಅಧ್ಯಕ್ಷರು, ಸದಸ್ಯರುಗಳು, ಗ್ರಾಮ ಪಂಚಾಯಿತಿ ಸದಸ್ಯರು ಹಾಗೂ ಇತರ ಮುಖಂಡರು, ನಿಕಟಪೂರ್ವ ಸದಸ್ಯರಾದ ಶ್ರೀ ಭಾಸ್ಕರ್ ಎಲ್ ಗೌಡರವರು, ಪ್ರಾಧಿಕಾರದ ಕಾರ್ಯಪಾಲಕ ಅಭಿಯಂತರರಾದ ಶ್ರೀ ಆರ್.ಕೆ.ರಾಜು, ಶ್ರೀ ಬಿ.ಎನ್.ಪ್ರಭಾಕರ್, ಸಹಾಯಕ ಕಾರ್ಯಪಾಲಕ ಅಭಿಯಂತರರಾದ ಶ್ರೀ ಸುರೇಶ್ ಬಾಬು, ಶ್ರೀ ದಿನೇಶ್, ಶ್ರೀ ಮಹೇಶ್ ಬಾಬು ಹಾಗೂ ಪ್ರಾಧಿಕಾರದ ಸಹಾಯಕ ಅಭಿಯಂತರರುಗಳು ಹಾಗೂ ಗುತ್ತಿಗೆದಾರರಾದ ಶ್ರೀ.ಕೆ.ವಿ.ರವಿಕೃಷ್ಣಕುಮಾರ್, ಶ್ರೀ ಎಲ್. ರಂಗಾರೆಡ್ಡಿ, ಸ್ಥಳೀಯ ಪ್ರತಿನಿಧಿಗಳು ಹಾಜರಿದ್ದರು.

ಸಂಖ್ಯೆ: ಅಆಸಶಾ/22/2016-17 ದಿನಾಂಕ: 27.02.2017
ದಿನಾಂಕ: 27.02.2017ರಂದು ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾದ ಶ್ರೀ ಡಿ.ಧುೃವಕುಮಾರ್ ರವರ ಅಧ್ಯಕ್ಷತೆಯಲ್ಲಿ ಪ್ರಾಧಿಕಾರದ ಸಾಮಾನ್ಯ ಸಭೆಯನ್ನು ನಡೆಸಲಾಯಿತು.

ಈ ಸಂದರ್ಭದಲ್ಲಿ ವಿಧಾನ ಪರಿಷತ್ ಉಪ ಸಭಾಪತಿಗಳಾದ ಶ್ರೀ ಮರಿತಿಬ್ಬೇಗೌಡರು, ಶ್ರೀ ಜಿ.ಟಿ.ದೇವೇಗೌಡರು ಚಾಮುಂಡೇಶ್ವರಿ ಕ್ಷೇತ್ರದ ಶಾಸಕರು, ಶ್ರೀ ಎಂ.ಕೆ.ಸೋಮಶೇಖರ್ ರವರು ಕೃಷ್ಣರಾಜ ಕ್ಷೇತ್ರದ ಶಾಸಕರು ಹಾಗೂ ಅಧ್ಯಕ್ಷರು ಕರ್ನಾಟಕ ರೇಷ್ಮೆ ಉದ್ಯಮಗಳ ನಿಗಮ ನಿಯಮಿತ, ಶ್ರೀ ಸಂದೇಶ್ ನಾಗರಾಜು ರವರು ವಿಧಾನ ಪರಿಷತ್ ಸದಸ್ಯರು, ಶ್ರೀ ಸಂದೇಶ್ ಸ್ವಾಮಿ ಪ್ರಾಧಿಕಾರದ ಸದಸ್ಯರು, ಪ್ರಾಧಿಕಾರದ ಆಯುಕ್ತರಾದ ಶ್ರೀ.ಡಾ.ಎಂ.ಮಹೇಶ್, ನಗರ ಯೋಜನಾ ಸದಸ್ಯರಾದ ಶ್ರೀ ಎಂ.ಸಿ.ಶಶಿಕುಮಾರ್, ಅಧೀಕ್ಷಕ ಅಭಿಯಂತರರಾದ ಶ್ರೀ ಶಿವಕುಮಾರ್, ಶ್ರೀ ಎನ್.ನರಸಿಂಹೇಗೌಡ ಅಧೀಕ್ಷಕ ಅಭಿಯಂತರರು(ವಿ)ಚಾವಿಸನಿನಿ, ಕಾರ್ಯಪಾಲಕ ಅಭಿಯಂತರರಾದ ಶ್ರೀ ಸಿ.ಎನ್.ಕರಿಯಪ್ಪ ಕ.ನ.ನೀ.ಸ.ಮತ್ತು ಒ.ಚ.ಮಂಡಳಿ ರವರು ಹಾಗೂ ಪ್ರಾಧಿಕಾರದ ಕಾರ್ಯದರ್ಶಿಗಳು, ವಿಶೇಷ ಭೂಸ್ವಾಧೀನಾಧಿಕಾರಿಗಳು, ಕಾರ್ಯಪಾಲಕ ಅಭಿಯಂತರರು ಹಾಜರಿದ್ದರು.

ಈ ದಿನದ ಸಭೆಯಲ್ಲಿ ಈ ಕೆಳಗೆ ನಮೂದಿಸಿರುವಂತೆ ಪ್ರಮುಖ ವಿಷಯಗಳಲ್ಲಿ ನಿರ್ಣಯವನ್ನು ಕೈಗೊಳ್ಳಲಾಯಿತು.
1. 1991ನೇ ಸಾಲಿಗಿಂತ ಹಿಂದೆ ಮಂಜೂರಾಗಿರುವ ನಿವೇಶನಗಳಲ್ಲಿ ಮೂಲ ಮಂಜೂರಾತಿದಾರರು ಮನೆ ನಿರ್ಮಾಣ ಮಾಡದೇ ಹಕ್ಕುಪತ್ರ ಕೋರುವ ಪ್ರಕರಣಗಳಲ್ಲಿ ಉಪ ನೋಂದಣಾಧಿಕಾರಿಗಳ ಕಛೇರಿಯ ಚಾಲ್ತಿ ಮಾರ್ಗಸೂಚಿ ಬೆಲೆಯ ಶೇ 10% ರಷ್ಟು ದಂಡವನ್ನು ಪಾವತಿಸಿಕೊಳ್ಳಲು ತೀರ್ಮಾನಿಸಲಾಯಿತು.
2. ಮನೆ ನಿರ್ಮಿಸಿ/ನಿರ್ಮಿಸದೇ ಗುತ್ತಿಗೆ ಅವಧಿಯೊಳಗೆ ಮಾರಾಟ ಮಾಡಿ ಖರೀದಿದಾರರು ಕ್ರಯಪತ್ರ ಕೋರುವ ಪ್ರಕರಣಗಳಲ್ಲಿ ಕೊನೆಯ ಕ್ರಯಪತ್ರದ ಶೇ 50% ರಷ್ಟು ದಂಡಶುಲ್ಕ ಪಾವತಿಸಿಕೊಳ್ಳಲು ತೀರ್ಮಾನಿಸಲಾಯಿತು.
3. ಮನೆ ನಿರ್ಮಿಸಿ/ನಿರ್ಮಿಸದೆ ಗುತ್ತಿಗೆ ಅವಧಿ ಮುಕ್ತಾಯಗೊಂಡ ನಂತರ ಮಾರಾಟ ಮಾಡಿ ಖರೀದಿದಾರರು ಕ್ರಯಪತ್ರ ಕೋರುವ ಪ್ರಕರಣಗಳಲ್ಲಿ ಕೊನೆಯ ಕ್ರಯಪತ್ರದ ಶೇ 25% ರಷ್ಟು ದಂಡಶುಲ್ಕ ಪಾವತಿಸಿಕೊಳ್ಳಲು ತೀರ್ಮಾನಿಸಲಾಯಿತು.
4. ನೋಂದಾಯಿತ ಜಿ.ಪಿ.ಎ ಮುಖಾಂತರ ಖರೀದಿ ಮಾಡಿದ ಪ್ರಕರಣಗಳಲ್ಲಿ ಜಿ.ಪಿ.ಎ ಕ್ರಯದ ಅವಧಿಯ ಮಾರುಕಟ್ಟೆ ಬೆಲೆಯ ಶೇ 30% ರಷ್ಟು ದಂಡಶುಲ್ಕ ಪಾವತಿಸಿಕೊಳ್ಳಲು ತೀರ್ಮಾನಿಸಲಾಯಿತು.
5. ಹರಾಜು ಪ್ರಕರಣಗಳಲ್ಲಿ ಹಕ್ಕುಪತ್ರ ಪಡೆಯದೇ ಮಾರಾಟ ಮಾಡಿದ್ದಲ್ಲಿ ಖರೀದಿದಾರರು ಕ್ರಯಪತ್ರ ಕೋರುವ ಪ್ರಕರಣಗಳಲ್ಲಿ ಕೊನೆಯ ಕ್ರಯಪತ್ರದ ಶೇ 25% ರಷ್ಟು ದಂಡಶುಲ್ಕ ಪಾವತಿಸಿಕೊಳ್ಳಲು ತೀರ್ಮಾನಿಸಲಾಯಿತು.
6. ಮೂಲ ಮಂಜೂರಾತಿದಾರರು ಮನೆ ನಿರ್ಮಾಣ ಮಾಡದೇ ಹಕ್ಕು ಪತ್ರ ಕೋರುವ ಪ್ರಕರಣಗಳಲ್ಲಿ
1. 20x30 ಅಡಿ ಅಳತೆ ವರಗೆ ಶೇ.2.5%ರಷ್ಟು 2. 30x40 ಅಡಿ ಅಳತೆÀವರಗೆ ಶೇ.5%ರಷ್ಟು 3. 40x60 ಅಡಿ ಅಳತೆಯ ಮೇಲ್ಪಟ್ಟ ನಿವೇಶನಗಳಿಗೆ ಶೇ.10% ರಷ್ಟು ಚಾಲ್ತಿ ಉಪ ನೋಂದಣಾಧಿಕಾರಿಗಳ ಕಛೇರಿಯ ಮಾರ್ಗಸೂಚಿ ದರ ಪಾವತಿಸಿಕೊಳ್ಳಲು ತೀರ್ಮಾನಿಸಲಾಗಿದೆ ಹಾಗೂ ಇಡಬ್ಲ್ಯೂಎಸ್ ಮತ್ತು ಎಲ್.ಐ.ಜಿ ಮನೆಗಳಿಗೂ ಸಹ ಇದೇ ರೀತಿ ಶುಲ್ಕವನ್ನು ಪಾವತಿಸಿಕೊಳ್ಳಲು ಸಹ ತೀರ್ಮಾನಿಸಲಾಗಿದೆ.

7. ಇ.ಡಬ್ಲ್ಯೂ.ಎಸ್/ ಎಲ್.ಐ.ಜಿ ಮನೆಗಳಿಗೆ ಹೊಂದಿಕೊಂಡಂತಹ ತುಂಡು ಜಾಗಗಳಿಗೆ ಮಾತ್ರ ಆ ಬಡಾವಣೆಯ ಉಪ ನೋಂದಣಾಧಿಕಾರಿಗಳ ಚಾಲ್ತಿ ಮಾರ್ಗಸೂಚಿ ದರದ ಶೇ 25% ರಷ್ಟು ದರವನ್ನು ನಿಗದಿಪಡಿಸಲು ತೀರ್ಮಾನಿಸಲಾಯಿತು.

8. ಮಧ್ಯಂತರ ನಿವೇಶನಗಳ/ಮನೆಯ ಹಿಂಭಾಗ, ಮುಂಭಾಗ ಮತ್ತು ನಡುವೆ ಬರುವ ತುಂಡುಜಾಗದ ಪ್ರಕರಣಗಳಲ್ಲಿ ಆ ಬಡಾವಣೆ ಆ ಬಡಾವಣೆಯ ಉಪ ನೋಂದಣಾಧಿಕಾರಿಗಳ ಚಾಲ್ತಿ ಮಾರ್ಗಸೂಚಿ ದರವನ್ನು ನಿಗದಿಪಡಿಸಲು ತೀರ್ಮಾನಿಸಲಾಯಿತು.

9. 68 ನಾಗರೀಕ ಸೌಕರ್ಯ ನಿವೇಶನಗಳನ್ನು (ಸಿ.ಎ ನಿವೇಶನ) ಅರ್ಹ ವಿವಿಧ ಸಂಘ ಸಂಸ್ಥೆಗಳಿಗೆ ಹಂಚಿಕೆ ಮಾಡಲು ತೀರ್ಮಾನಿಸಲಾಯಿತು.

10. ಪ್ರಾಧಿಕಾರದಲ್ಲಿ ಹಂಚಿಕೆಗೆ ಲಭ್ಯವಿರುವ ನಾಗರೀಕ ಸೌಕರ್ಯ ನಿವೇಶನಗಳನ್ನು (ಸಿ.ಎ. ನಿವೇಶನ) ಹಂಚಿಕೆ ಮಾಡಲು ಹೊಸದಾಗಿ ಪ್ರಕಟಣೆ ಹೊರಡಿಸಲು ತೀರ್ಮಾನಿಸಲಾಯಿತು.

11. ಬನ್ನಿಮಂಟಪದಲ್ಲಿರುವ ಬಾಲಭವನವನ್ನು ಖಾಸಗಿಯವರ ಪ್ರಯೋಜಕತ್ವದೊಡನೆ ಸಮಗ್ರವಾಗಿ ಅಭಿವೃದ್ಧಿಪಡಿಸಿ ಮನೋರಂಜನಾ ಪಾರ್ಕ್ ನಿರ್ಮಿಸಲು ಟೆಂಡರ್ ಆಹ್ವಾನಿಸಲು ತೀರ್ಮಾನಿಸಲಾಯಿತು.
 

ಸಂಖ್ಯೆ: ಅಆಸಶಾ/22/2016-17 ದಿನಾಂಕ: 22.02.2017

ದಿನಾಂಕ: 22.02.2017 ರಂದು ಚಾಮರಾಜನಗರ ಕ್ಷೇತ್ರದ ಸಂಸದರಾದ ಶ್ರೀ ಧುೃವನಾರಾಯಣ ರವರು ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾದ ಶ್ರೀ ಡಿ.ಧುೃವಕುಮಾರ್ ರವರು ಹಾಗೂ ಸನ್ಮಾನ್ಯ ಮುಖ್ಯಮಂತ್ರಿಗಳ ಸುಪುತ್ರ ಡಾ|| ಯತೀಂದ್ರ ರವರು ಭುಗತಗಳ್ಳಿ ಗ್ರಾಮದ ವಿಶ್ವಕರ್ಮ ಸಮುದಾಯ ಭವನದ ಗುದ್ದಲಿ ಪೂಜೆಯನ್ನು ನೆರವೇರಿಸಿದರು.

ಈ ಸಂದರ್ಭದಲ್ಲಿ ಮುಖ್ಯಮಂತ್ರಿಗಳ ಆಪ್ತ ಕಾರ್ಯದರ್ಶಿಗಳಾದ ಶ್ರೀ ರಾಮಯ್ಯ, ಪ್ರಾಧಿಕಾರದ ಕಾರ್ಯಪಾಲಕ ಅಭಿಯಂತರರಾದ ಶ್ರೀ ಆರ್.ಕೆ.ರಾಜು, ಪ್ರಾಧಿಕಾರದ ಸಹಾಯಕ ಅಭಿಯಂತರರುಗಳು, ಜಿಲ್ಲಾ ಪಂಚಾಯಿತಿ ಅಧಿಕಾರಿ ವರ್ಗ, ಸದಸ್ಯರು, ತಾಲ್ಲೂಕು ಪಂಚಾಯಿತಿ ಸದಸ್ಯರು, ಗ್ರಾಮ ಪಂಚಾಯಿತಿ ಅಧ್ಯಕ್ಷರು ಮತ್ತು ಸದಸ್ಯರು, ಸ್ಥಳೀಯ ಪ್ರತಿನಿಧಿಗಳು ಹಾಜರಿದ್ದರು.

 
ಸಂಖ್ಯೆ: ಅಆಸಶಾ/16/2016-17 ದಿನಾಂಕ: 13.02.2017

ದಿನಾಂಕ: 13.02.2017ರಂದು ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾದ ಶ್ರೀ ಡಿ.ಧುೃವಕುಮಾರ್ ರವರು ಈ ಕೆಳಗೆ ನಮೂದಿಸಿರುವ ಸ್ಥಳಗಳಿಗೆ ಭೇಟಿ ನೀಡಿ ಪರಿಶೀಲನೆ ಮಾಡಿರುತ್ತಾರೆ.
ಈ ಸಂದರ್ಭದಲ್ಲಿ ಪ್ರಾಧಿಕಾರದ ಆಯುಕ್ತರಾದ ಡಾ.ಎಂ.ಮಹೇಶ್, ಅಧೀಕ್ಷಕ ಅಭಿಯಂತರರಾದ ಶ್ರೀ ಶಿವಕುಮಾರ್, ಕಾರ್ಯಪಾಲಕ ಅಭಿಯಂತರರಾದ ಶ್ರೀ ಆರ್.ಕೆ.ರಾಜು, ಶ್ರೀ ಬಿ.ಎನ್.ಪ್ರಭಾಕರ್ ಸಹಾಯಕ ಕಾರ್ಯಪಾಲಕ ಅಭಿಯಂತರರಾದ ಶ್ರೀ ಅರುಣ್ ಕುಮಾರ್, ಶ್ರೀ ರಂಗಸ್ವಾಮಿ, ಶ್ರೀ ಜಗದೀಶ್, ಶ್ರೀ ಮಹೇಶ್ ಬಾಬು (ವಿದ್ಯುತ್), ಪ್ರಾಧಿಕಾರದ ಸಹಾಯಕ ಅಭಿಯಂತರರುಗಳು ಹಾಗೂ ಪ್ರಾಧಿಕಾರದ ನಿಕಟಪೂರ್ವ ಸದಸ್ಯರಾದ ಶ್ರೀ ಭಾಸ್ಕರ್ ಎಲ್ ಗೌಡರವರು ಮತ್ತು ಸ್ಥಳೀಯ ಪ್ರತಿನಿಧಿಗಳು ಹಾಜರಿದ್ದರು.

1. ಹೆಬ್ಬಾಳು 2ನೇ ಹಂತ ಬಡಾವಣೆಯಲ್ಲಿ ಪ್ರಾಧಿಕಾರಕ್ಕೆ ಸೇರಿದ ಕಲ್ಯಾಣ ಮಂಟಪ ಹಾಗೂ ಹೊಸದಾಗಿ ರೂ.301/- ಲಕ್ಷಗಳ ಅಂದಾಜು ವೆಚ್ಚದಲ್ಲಿ ನಿರ್ಮಿಸಲಾಗುತ್ತಿರುವ ಸುಸಜ್ಜಿತ ಕನ್‍ವೆನ್ಷನ್ ಹಾಲ್ ಕಾಮಗಾರಿಯ ಪ್ರಗತಿಯನ್ನು ಪರಿಶೀಲನೆ ಮಾಡಿ ಈ ಕಾಮಗಾರಿಯನ್ನು ಜೂನ್ ಮಾಹೆಯ ಒಳಗೆ ಪೂರ್ಣಗೊಳಿಸುವಂತೆಯೂ, ವಾಹನಗಳ ನಿಲುಗಡೆಗೆ ಸಾಕಷ್ಟು ಸ್ಥಳಾವಕಾಶವನ್ನು ಕಲ್ಪಿಸಲು, ಈ ಕಲ್ಯಾಣ ಮಂಟಪದಲ್ಲಿ ಇರುವ ಕಲ್ಯಾಣಿಯನ್ನು ಅಭಿವೃದ್ಧಿಪಡಿಸಿ ಮಂಚೇಗೌಡನ ಕೊಪ್ಪಲಿನ ನಿವಾಸಿಗಳ ಉಪಯೋಗಕ್ಕೆ ಅಗತ್ಯವಿರುವ ಕೆಲಸ ಕಾರ್ಯಗಳನ್ನು ನಿರ್ವಹಿಸಲು ಕ್ರಮವಹಿಸುವಂತೆ ಸ್ಥಳದಲ್ಲಿ ಹಾಜರಿದ್ದ ಅಧಿಕಾರಿಗಳಿಗೆ ಸೂಚಿಸಿದರು.
2. ಬನ್ನಿಮಂಟಪ ಬಡಾವಣೆಯ ಪಂಜಿನ ಕವಾಯಿತು ಮೈದಾನದಲ್ಲಿ 22.000 ಪ್ರೇಕ್ಷಕರಿಗೆ ವೀಕ್ಷಿಸಲು ಸ್ಥಳಾವಕಾಶವಿದ್ದು ಈ ಸ್ಥಳಾವಕಾಶವನ್ನು ಸುಮಾರು 32.000 ಪ್ರೇಕ್ಷಕರಿಗೆ ವೀಕ್ಷಿಸಲು ಅನುವಾಗುವಂತೆ ಅಂದಾಜು ರೂ. 6.50 ಕೋಟಿ ವೆಚ್ಚದಲ್ಲಿ ನಡೆಯುತ್ತಿರುವ ಕಾಮಗಾರಿಯ ಪ್ರಗತಿಯ ಬಗ್ಗೆ ಪರಿಶೀಲಿಸಿ ಈ ಕಾಮಗಾರಿಯನ್ನು ಈ ಸಾಲಿನ ದಸರಾ ಮಹೋತ್ಸವಕ್ಕೆ ಮುಂಚಿತವಾಗಿ ಕಾಮಗಾರಿಯನ್ನು ಪೂರ್ಣಗೊಳಿಸುವಂತೆ ಸ್ಥಳದಲ್ಲಿ ಹಾಜರಿದ್ದ ಅಧಿಕಾರಿಗಳಿಗೆ ಸೂಚಿಸಿದರು.
3. ಬನ್ನಿಮಂಟಪ ಬಡಾವಣೆಯಲ್ಲಿರುವ ಬಾಲಭವನದಲ್ಲಿ ನಡೆಯುತ್ತಿರುವ ಅಭಿವೃದ್ಧಿ ಕಾಮಗಾರಿಗಳ ಪ್ರಗತಿಯನ್ನು ಪರಿಶೀಲಿಸಿ ಈ ಬಾಲಭವನ ಪ್ರದೇಶವು ಸುಮಾರು 13 ಎಕರೆ ವಿಸ್ತೀರ್ಣ ಹೊಂದಿರುವುದರಿಂದ ಇಲ್ಲಿ ಸಾರ್ವಜನಿಕರು, ಪ್ರವಾಸಿಗರು, ಮಕ್ಕಳು ಪ್ರತಿನಿತ್ಯ ಭೇಟಿ ನೀಡಲು ಅನುವಾಗುವಂತಹ ಎಲ್ಲಾ ಸೌಲಭ್ಯಗಳನ್ನು ಒಳಗೊಂಡಂತಹ ಸುಂದರವಾದ ಸುಸಜ್ಜಿತವಾದ ಉದ್ಯಾನವನವನ್ನು ನಿರ್ಮಿಸಲು ಅಗತ್ಯವಿರುವ ಎಲ್ಲಾ ಕ್ರಮವನ್ನು ತೆಗೆದುಕೊಳ್ಳುವಂತೆ ಸ್ಥಳದಲ್ಲಿ ಹಾಜರಿದ್ದ ಎಲ್ಲಾ ಅಧಿಕಾರಿಗಳಿಗೆ ಸೂಚಿಸಿದರು.
4. ಸಿದ್ದಾರ್ಥನಗರ ಬಡಾವಣೆಯಲ್ಲಿ ಸುಮಾರು 1.20 ಎಕರೆ ಪ್ರದೇಶದಲ್ಲಿ ನಿರ್ಮಿಸಲಾಗಿರುವ ಪ್ರಾಧಿಕಾರಕ್ಕೆ ಸೇರಿದ ಕಲ್ಯಾಣ ಮಂಟಪಕ್ಕೆ ಭೇಟಿ ನೀಡಿ ಈ ಕಲ್ಯಾಣ ಮಂಟಪವನ್ನು ಹೈಟೆಕ್‍ಮಾದರಿಯಲ್ಲಿ ನಿರ್ಮಿಸಲು ಅಗತ್ಯವಿರುವ ಎಲ್ಲಾ ಕ್ರಮಗಳನ್ನು ತೆಗೆದುಕೊಳ್ಳುವಂತೆ ಸ್ಥಳದಲ್ಲಿ ಹಾಜರಿದ್ದ ಎಲ್ಲಾ ಅಧಿಕಾರಿಗಳಿಗೆ ಸೂಚಿಸಿದರು.

(ಡಿ.ಧುೃವಕುಮಾರ್)
ಅಧ್ಯಕ್ಷರು
ಮೈ.ನ.ಪ್ರಾ., ಮೈಸೂರು.